100 páx.

Con esta publicación o Seminario Permanente de Educación para a Igualdade continúa o seu labor de previr e erradica-las relacións que sustentan a violencia de xénero.
Cremos que é responsabilidade de toda a comunidade educativa promove-lo cambio e a revisión de concepcións estereotipadas que, na cultura androcéntrica, serven de sustento á aprendizaxe e ó mantemento da violencia de xénero entre o alumnado. Non obstante, esta guía vai dirixida especialmente ó profesorado por ver este colectivo como o que maiores facilidades ten para impulsar modificacións posibles e desexables cara á prevención da violencia sexuada no ámbito educativo.
Co fin de axudalo elaborouse Educar para previ-la violencia de xénero. Guía para o profesorado de educación infantil e primaria, que pretende acompaña-lo profesorado dese nivel educativo na súa reflexión particular sobre a propia práctica docente e, ó mesmo tempo, achegarlle liñas e ferramentas que lle resulten válidas para a súa intervención na aula.
Pensamos que as suxestións que aquí presentamos facilitarán a consecución dun desenvolvemento das tarefas educativas que contribuirá a previr e facer desaparece-la lacra social da violencia de xénero.