388 páx.

Olympe de Gouges foi unha adiantada á súa época. O seu estilo de vida e o seu papel de muller comprometida así o testemuñan. Inimiga da violencia, utilizou a escritura como arma para defender aquilo no que cría sen importarlle as consecuencias. Monárquica, cando os aires xa eran republicanos, crítica coa escravitude dos negros aínda sabendo que iso lle limitaba as súas aspiracións literarias ou enfrontada abertamente a Robespierre a sabendas de que corría perigo a súa propia vida. Tiveron gran relevancia os seus escritos políticos, especialmente a Declaración dos dereitos da muller e da cidadá, pero non debemos esquecer as súas obras Memorias de Madame de Valmont, O convento ou os votos forzosos ou A necesidade do divorcio.