50 páx.

Esta publicación espera converterse nunha ferramenta de traballo útil na comunidade escolar e propiciar entre todos e tódalas profesionais da educación a reflexión sobre as vosas prácticas educativas á luz dunha perspectiva de xénero.
Entre os seus principais destinatarios situámosvos ó profesorado porque cremos que só co voso entusiasmo e colaboración será posible propiciar cambios imprescindibles para avanzar nunha real equidade entre os xéneros.

Coa redacción desta guía de boas prácticas educativas pretendemos:

• Chama-la atención sobre cómo, a pesar de que no ámbito escolar conviven os dous sexos, as mulleres e a súa experiencia non aparecen suficientemente presentadas e valoradas.

• Promove-la reflexión sobre o feito de que ver, recoñecer e valora-las mulleres na mesma medida cós homes é facer das relacións na escola una fonte de riqueza e non de desigualdades.

• Amosar unha serie de prácticas, máis ou menos estendidas no ámbito escolar, que non facilitan a existencia de relacións libres de recoñecemento e intercambio entre os sexos.

• Dar pistas para transformar estas prácticas e promover unhas relacións máis libres e xustas entre os xéneros.

Con todo isto posibilitaremos avanzar na construcción dun modelo educativo máis xusto e igualitario na nosa Comunidade Autónoma.