Curso:

Estratexias para promover relacións de acompañamento bentratante baseadas no neurodesenvolvemento

Esta proposta formativa é unha aposta intensiva de reflexión, traballo e implementación dun modelo comprensivo de intervención e acompañamento a nenos, nenas e adolescentes en situación de desvantaxe social baseado no paradigma dos Bos Tratos.

É a resposta a aqueles/as traballadoras e traballadores que pretendan establecer unha vinculación terapéutica que posibilite unha reparación e rehabilitación do dano e afectación que tiveron que sufrir. En definitiva, un modelo baseado no neurodesenvolvemento que estruture guíe e sosteña o acompañamento sanador. A formación para os e as referentes desas nenas e nenos facilitará textos, experiencias, reflexión, debates, exercicios e supervisión para activar unha posición de curiosidade, de intelixencia profesional e de moita bondade que nos leve a entender os seus «paraqués» e as súas condutas.

O curso desenvolverase en modalidade mixta, cunha parte a través da plataforma Moodle, unha parte telepresencial (dúas sesións de 2,5 h. cada unha) e outra presencial (en Santiago de Compostela)

• Datas: Do 15 de febreiro ao 29 de marzo.

• Sesións: 
  

  1. • 15 de febreiro ábrese a aula virtual
     • 22 de febreiro sesión en liña (2,5h)
     • 15 de marzo sesión presencial en Compostela (8h)
     • 16 de marzo sesión presencial en Compostela (4h)
     • 29 de marzo sesión en liña (2,5h)

• Lugar: Santiago de Compostela (sede do Ceesg)
  

• Duración: 25 horas.

• Prazo de inscrición: ata o 10 de febreiro ou completar prazas.
  

Ver detalles da formación na sección Formación do Ceesg