Resultado do 11º Concurso TFG.eduso

Finalizado o 11º Concurso TFG.eduso, podemos anunciar os traballos gañadores deste galardón que pretende visibilizar a calidade dos traballos realizados polo estudantado galego de Educación Social.

Esta edición correspóndese cos TFG realizados durante o curso 2023/2024, e presentáronse un total de 8 traballos.
 

Os seleccionados polo xurado foron:

Na modalidade EDUCACIÓN SOCIAL ESTENDIDA:

• Título: Arte Comunitaria como estratexia de transformación dende a Educación Social: unha revisión sistemática a través de experiencias.
• Autor: Alex Rey Álvarez.
  Titora: Laura María Varela Crespo (Universidade de Santiago)

 Na modalidade EDUCACIÓN SOCIAL ESCONDIDA:

• Título: Influencia da socialización diferencial de xénero na autodeterminación das persoas trans*. Un estudo cualitativo a través da experiencia da mocidade trans* galega.
• Autora: Lara Albela Comesaña.
• Titoras: María Victoria Carrera Fernández e Nazaret Blanco Pardo (Universidade de Vigo - Campus de Ourense)

Mención especial do xurado:

• Título: Drogas e prisión. Unha mirada socioeducativa dende tres entidades sociais.
• Autora: Catalina Rodríguez Seijas.
• Titora: Laura Cruz López (Universidade da Coruña)

—

Queremos agradecer a súa participación a todas e todos os participantes do concurso, así como ao xurado, que de xeito desinteresado tivo a xenerosidade de colaborar revisando e valorando cada un dos traballos, facendo posible esta iniciativa. Nesta convocatoria, o xurado estivo integrado por:

• Xosé Manuel Cid Fernández, da Universidade de Vigo
• Raúl González Fernández, da Universidade Nacional de Educación a Distancia (UNED)
• Patricia Alonso Ruido, da Universidade de Santiago.
• Estefanía Lema Moreira, da Universidade da Coruña.
• Deibe Fernández Simo, do Ceesg.

Os traballos premiados serán publicados, e as súas autoras gozarán dunha cota de colexiación gratuíta e de dúas inscricións gratuítas en formacións organizadas e impartidas polo Ceesg.