Contribucións ao IX Congreso Estatal de Educación Social
Os días 21, 22 e 23 de maio de 2026 celebrarase en Cartagena, Murcia, o IX Congreso Estatal de Educación Social, baixo o lema “La autonomía y la cultura profesional en la acción socioeducativa”. Trátase dun dos eventos de maior relevancia no ámbito da Educación Social no noso país, cun forte valor de encontro profesional, reflexión crítica e colaboración interterritorial.
Este Congreso está promovido polo Consejo General de Colegios de Educadoras y Educadores Sociales (CGCEES) e organizado polo Colexio Oficial de Educación Social da Rexión de Murcia (COESRM). Nesta edición, apostarase por un modelo híbrido de participación, ofrecendo a posibilidade de asistir tanto presencialmente como en liña vía streaming, para garantir a máxima accesibilidade e participación desde calquera territorio.
Contribucións ao Congreso
O Congreso abre a porta á participación activa da comunidade profesional e académica a través da presentación de contribucións en diferentes formatos: comunicacións orais, pósteres, vídeos ou relatos de boas prácticas, entre outros.
As persoas interesadas poden enviar as súas propostas ata o 31 de xaneiro de 2026, seguindo as bases publicadas na web oficial do Congreso:
🔗 enlace as bases
O programa
A organización do Congreso vén de publicar un avance do programa que xa permite facerse unha idea do enfoque e dos contidos que artellarán o IX Congreso Estatal de Educación Social. Este adianto, en coherencia co lema do congreso, pon o acento na autonomía profesional e na cultura profesional como eixos fundamentais da acción socioeducativa.
O avance publicado amosa un congreso orientado á participación, ao diálogo entre investigación e práctica profesional e á posta en valor do saber das educadoras e educadores sociais.
Por que non faltar:
- Participación: En obradoiros, sesións intensivas e simposios que permiten afondar en temas específicos.
- Investigacións: Presentar as túas investigacións e recibir retroalimentación, así como dar a coñecer o teu traballo a un público máis amplo.
- Importancia: Asistir a un evento con importancia a nivel mundial da Educación Social.
- Visibilidade: Pode axudarte a destacar profesionalmente e aumentar a túa visibilidade dentro do teu campo.
- Networking: Coñecer outras/os profesionais e investigadoras/es, ampliar a túa rede de contactos e buscar posibles colaboracións son beneficios clave.
- Aprendizaxe: Mantente ao día coas últimas novidades no teu campo, aprende de persoas expertas e comparte experiencias con outras/os profesionais.
Convidámosvos
a todas as educadoras e educadores sociais, estudantes, persoas
investigadoras e profesionais vinculadas á Educación Social a visitar a
web do Congreso, seguir atentamente as súas canles oficiais, e por
suposto, a compartir estes tres días de aprendizaxe, convivencia e
experiencias.