27 páx.

Folleto da exposición que foi o produto final dun traballo no ámbito educativo que parte do Servizo Galego de Igualdade. A experiencia encádrase dentro do Proxecto IRIS (Iniciativas Rurais para a Igualdade Sociolaboral) que pertence á Iniciativa Comunitaria INTERREG III A, actuou sobre as comunidades escolares de seis centros de ensino de Galicia e o Norte de Portugal.
A maior parte dos materiais que se presentan foron elaborados polas nenas e nenos que participaron na experiencia, o resto pretende ser unha memoria de imaxes que nos achegue ao percorrido que fixeron ao longo de varias semanas…
A finalidade desta vertente do proxecto foi a elaboración dunha investigación histórica sobre as tarefas realizadas polas mulleres da zona co fin de recoñecer o seu valor. Foi unha investigación feita polo alumnado de seis centros de ensino, co apoio do profesorado e coordinado por axentes externos aos centros.