Celebración e reivindicación en Ourense, como celebración do DIES

Grazas a todas e a todos os que no día de onte nos acompañastes no Parque de San Lázaro de Ourense para visibilizar a Educación Social na celebración do Día Internacional da Educación Social.

Foi unha xornada de celebración e reivindicación, na que tivemos a sorte de contar coa colaboración da Facultade de Ciencias de Educación e Traballo Social e co seu alumnado, que se encargou non só da redacción e lectura do manifesto e da posta en escea dunha performance, senón tamén de que toda a programación resultase un éxito tanto de participación como de resultados. Vaia tamén o noso agradecemento ao profesorado que colaborou e que se achegou á carpa informativa, así como ás colexiadas e colexiados que tamén pasastes por alí.

Quen non puidese achegarse ata alí, ten unha boa mostra desta festa da Educación Social nas nosas redes sociais.

Recordamos que a celebración do DIES 2021 non remata aquí. O propio día 2 de outubro, a través das nosas redes, darase a coñecer o resultado do 7º Concurso TFG.eduso e inauguramos o #EdusoMes.