Os días 8 e 9 de maio de 2025 terá lugar I Congreso Internacional Profesional e Interuniversitario de Educación Social, CIPIES-25, organizado polas Universidades de Santiago, Universidade da Coruña, Universidade de Vigo, UNED e o Ceesg.
Poñendo o foco na Educación Social como motor do benestar a través do acompañamento, o CIPIES-25 será un espazo para a divulgación no que daremos cabida a investigacións, experiencias, coñecementos e prácticas innovadoras da nosa profesión. 
O prazo para presentar propostas de Simposios e Comunicacións está aberto ata o 16 de febreiro. 
O Congreso xirará arredor dos seguintes eixos temáticos:

Benestar, comunidade e calidade de vida.

Diversidade e interseccionalidade.

Educacións críticas e transformadoras.

Corpo, artes e medios audiovisuais.

Toda a información sobre o congreso e sobre as condicións de ditas propostas en www.cipies.org