O Ceesg abandona X

No Ceesg decidimos abandonar a rede social ‘X’ (antes Twitter). 

Unímonos a quen está cuestionando os riscos que esta plataforma representa en termos de desinformación e permisividade cos discursos de odio. 

A Educación Social debe convidar a reflexionar sobre o uso responsable das redes sociais e a necesidade de construír espazos dixitais coherentes cos valores da profesión. 

Esta decisión é un compromiso co respecto, a xustiza social, a convivencia, a inclusión, a cohesión social e a diversidade. ‘X’ deixou de ser un espazo seguro para o diálogo plural e construtivo, e non queremos seguir participando del. 

Continuaremos visibilizando a Educación Social e o traballo do noso colexio profesional noutras redes e canles.