CIPIES-25. Ampliación do prazo de presentación de Simposios e Comunicacións
O Congreso Internacional, Profesional e Interuniversitario de Educación Social amplía o prazo de presentación de comunicacións e simposios ata o 23 de febreiro.
Recordamos que o Congreso celebrarase os días 8 e 9 de maio de 2025 en Santiago de Compostela, baixo o lema “Acompañamento socioeducativo e benestar”, e cos seguintes eixos temáticos:
- Benestar, comunidade e calidade de vida
- Diversidade e interseccionalidade
- Educacións críticas e transformadoras
- Corpo, artes e medios audiovisuais
- Ámbitos emerxentes.
Animámoste a presentar os teus traballos en calquera das dúas modalidades dispoñibles:
- Simposio: Se coordinas un grupo de investigación ou traballas nun proxecto colectivo, podes propoñer un simposio que agrupe varias contribucións arredor dun tema común vinculado co congreso.
- Comunicación: Se tes un estudo, experiencia ou reflexión que desexes compartir, podes presentar unha comunicación para compartir en torno aos eixos temáticos que estruturan o congreso.
Dá a coñecer o teu traballo e contribúe a un diálogo enriquecedor que impulse o cambio social a través da educación.
As propostas aceptadas e presentadas no Congreso poderanse postular posteriormente como capítulo de libro, que será publicado pola editorial Octaedro no ano 2026 en formato ebook.
As indicacións e requisitos para a presentación de Simposios e Comunicacións está detallada na web do Congreso.