Xornada sobre protección á infancia e reforma xuvenil en Extremadura, actividade previa ao IX Congreso Estatal de Educación Social
O martes 14 de outubro, o Colexio Profesional de Educadoras e Educadores Sociais de Extremadura (COPESEX) celebrará as Xornadas do Día Internacional da Educación Social (DIES) na Facultade de Formación do Profesorado de Cáceres.
Esta xornada, que forma parte das actividades previas ao IX Congreso Estatal de Educación Social 2026 —que se celebrará en Cartagena os días 21, 22 e 23 de maio— abordará a situación actual do sistema de protección á infancia e reforma xuvenil en Extremadura.
Ademais, durante a xornada presentarase o propio Congreso Estatal e entregarase o premio ao mellor Traballo Fin de Grao do curso 2024-2025 “Ricardo Pérez Robles”.
A actividade dará comezo ás 09:30 horas e prolongarase ata as 14:00 horas.
A asistencia é gratuíta, podendo ser presencial ou virtual, con inscrición previa, e certificarase a participación.
Para máis información, podes consultar a páxina oficial do evento.
