Webinario sobre o papel da Educación Social na dirección e xestión de centros de atención a persoas maiores
O 29 de outubro celébrase un webinario estatal organizado polo CGCEES, sobre “Educación Social: dirección y gestión de centros de servicios sociales de atención a personas mayores”.
A actividade está dirixida a profesionais da Educación Social interesadas na intervención e xestión no ámbito dos servizos sociais destinados a persoas maiores.
O encontro contará coa participación de diversas voces expertas, entre elas a de Esther Pérez Enríquez, educadora social colexiada e integrante do grupo GEIX (Grupo de Estudos e Intervención Xeragóxica do Ceesg), quen achegará a súa visión e experiencia profesional no eido.
O obxectivo do webinario é debater e compartir reflexións sobre o papel da Educación Social na xestión, coordinación e dirección de centros de atención a persoas maiores, un ámbito onde a profesión ten moito que achegar tanto desde a intervención directa como desde o liderado de equipos e proxectos
Datos básicos
Data: mércores 29 de outubro de 2025
Modalidade: online
Actividade gratuíta con inscrición previa
Prazo de inscrición aberto ata o 27 de outubro ás 20:00 h
