Programa formativo en prevención e erradicación da violencia contra as mulleres
Unión Profesional e a Delegación do Goberno contra a Violencia de Xénero do Ministerio de Igualdade presentan a terceira edición do Programa formativo en prevención e erradicación da violencia contra as mulleres, unha iniciativa caracterizada pola súa gratuidade e formato en liña, cuxo obxectivo é dotar á comunidade profesional de todas aquelas ferramentas necesarias para garantir a prevención da violencia de xénero.
O Programa formativo en prevención e erradicación da violencia contra as mulleres consta de cinco formacións: dúas formacións xerais —unha enfocada á prevención do acoso en contornos profesionais, e outra dirixida á sensibilización e prevención da violencia contra as mulleres—; e tres formacións específicas que abarcan as áreas sanitaria, xurídica e social.
Cinco cursos certificados, de 20 horas cada un, que se poderán realizar do 12 de novembro de 2025 ao 12 de maio de 2026.
As cinco formacións son as seguintes:
-
Sensibilización para a prevención e erradicación da violencia contra as mulleres.
-
Prevención e actuación ante o acoso, a discriminación e a violencia contra as mulleres no contorno laboral e profesional.
-
Prevención das violencias contra as mulleres en contornos sanitarios.
-
Prevención das violencias contra as mulleres en contornos xurídicos.
-
Prevención das violencias contra as mulleres en contornos sociais.
No dossier suxírense posibles itinerarios adaptados ás necesidades formativas dos distintos colectivos profesionais.
INSCRICIÓNS E ACCESO AO DOSSIER
ROTUNDO ÉXITO DAS DÚAS ANTERIORES EDICIÓNS
A boa acollida e elevada participación nas dúas edicións anteriores propiciou o apoio da Delegación do Goberno contra a Violencia de Xénero para levar a cabo unha terceira edición que mantén a súa vontade de formar ao amplo espectro de profesionais na prevención e erradicación da violencia de xénero.
As dúas edicións anteriores contaron coa participación de máis de catro mil profesionais, cun índice de satisfacción de 4,5 sobre 5 de media.
Así mesmo, esta nova edición incide na recomendación institucional para que as organizacións colexiais formen as súas xuntas de goberno na sensibilización e prevención dunha problemática que afecta a mulleres e crianzas, e que require da formación de todos os seus profesionais, tal e como recollen as máis recentes normativas.
O Programa formativo en prevención e erradicación da violencia contra as mulleres responde ao compromiso das profesións colexiadas coa protección dos dereitos das mulleres en clave de dereitos humanos.