AUTOCOIDADO EMOCIONAL A TRAVÉS DO MINDFULNESS PARA EDUCADORAS/ES SOCIAIS
Para poder inscribirte nun evento deberás iniciar sesión, se non es usuaria/o da páxina deberás rexistrarte (para rexistrarse na web non é necesaria a colexiación).
Este programa está destinado ao colectivo dos educadores sociais coa finalidade de reducir os efectos da Síndrome de Burnout, mellorar a regulación emocional e aumentar a resiliencia.
O obxectivo deste traballo é elaborar un programa de intervención baseado nos principios do Mindfulness que dote aos educadores sociais de estratexias para o manexo positivo do estrés, aprendendo a entender e regular as emocións propias e relacionarse dunha maneira máis empática e eficiente cun mesmo e cos demais.
Entendemos o Mindfulness como a atención plena no momento presente. Este estado de Mindfulness axúdanos a saír do piloto automático no que adoitamos funcionar habitualmente. Este saír do modo piloto automático axúdanos a pasar de reaccionar impulsivamente a responder ofrecendo a mellor resposta en cada momento.